Түркістан  облысының Арыс қаласындағы 24 маусым күні орын алған төтенше жағдайға  байланысты, Арыс тұрғындарына көмек қолын созу мақсатында елімізде «Арыс, біз біргеміз» акциясы бастау алған.

Жамбыл облысының Кордай ауданындағы №7 Бетқайнар колледжі  де бұл  акцияға  қатысты.  Колледж қызметкерлері болған қайғылы оқиғаға байланысты бір күндік жалақысын көмек ретінде аударды , Тараз қаласындағы сауықтыру лагеріне келген бүлдіршіндерді  қажетті заттармен  қамтамасыз етуге  ат салысты . Сонымен қатар 2019 жылдың 14  тамыз күні  Қырғызстан мемлекетіндегі Ысстық-көлде  демалып, сауығып келген  Арыстың 150 баласына №7 Бетқайнар колледжі   өз есігін  қуана-қуана ашты . Кішкентай қонақтар  және олардың тәлімгерлері  тамақтанып ,   үйлеріне көтеріңкі көңіл-күймен аттанады.

Айтып келмейтін  оқыс оқиға кезеңдерінде көмектесу әрбір қазақстандықтың азаматтық борышы деп білеміз.